تقرير بسيط جداً..
اولاً..
أحبتي راح اتكلم بالعاميه
———————————–
Selamat datang

رحلة لاتنسى..

بالبداية..
الرحلة من زمان وانا افكر فيها وتكون مفاجئة لـ ابوي وامي
وقررت اني اخذهم واتمشى فيهم وخاصة اندونيسيا
سبق واني جيتها وتمنيت اني اجيبهم ويشوفون هالخضار.. والحمدلله تمت وهذا بفضل الله
كانت خط الرحله الرياض – جاكرتا- جده واروح فيهم لمكه
لكن حصلنا ضرف هناك وماحصلت امكانية الا للرياض

والحمدلله الاموره بخير يارب لك الحمد
معلومات:
الطيران :
>>>> أفضل طيران
من مميزات هالخطوط المطر يجيك وانت داخل الطيارة
قيمة التذكرة للشخص الواحد 2647 ريال
المجموع : 10588
خط الرحلة:
الرياض – جاكرتا – الرياض
الاقلاع من تاريخ :19-1-2012 والعودهـ :26-1-2012
المده قليلة مرهـ والسبب عملي وسبب ثاني راح اقولكم اياه
تواريخ الاقامه :
20-21-22-23-24-25
من 20 الى 23
بونشاك
اليوم الاول: الجلسة بالفله
اليوم الثاني: سفاري
اليوم الثالث: حديقة الزهور+ كوتا بونقا”بحيرة فينيسا”
اليوم الرابع: شيبوداس
2425
جاكرتا
المسافرين:
ابوي + امي + أنـا + ولد اختي
تمنيت شخص يكون معنا بالرحله
الاغراض المهمه: >> لكبار السن
وكالعاده اصحى امبكر واضبط الشاهي والقهوه والفطور .. >> لكن هالمره حسيت اني متكسر
انتظرت انتظرت انتظرت امي وابوي يصحون .. رحت وقلت لهم يالله يالله المدرسة ههههههههههههههه
قالو طيب طيب وطنيش خخخخخخخخخخخخخخ
وولد اختي صحا ومتكسر ههههههههههههههه
صحو الساعه 8 وربع واسالهم عسا ماشر وش هالنوم قالو ياوليدي والله عقب حق هالمساج يالله انشيل انفسنا قلت حلو
تقهوينا وفطرنا وعين من الله خير وحركنا من الفله حوالي الساعه 10
والجوا كان ررررررررررررهيب
وبعض الدردشه قلت بكرا نبي نروح لم باندوق قالو لا لا ودنا نروح لم جاكرتا نبي نشوفه قلت خلوها اخر يومين احسن قاالو ودنا نشوفه ونرجع لم باندوق >>> قالو هذي بونشاك اجل العاصمه اكيد اطلق بكثير
قلت مافيها شي بس يالله نرووح وشورانا …
.
بسم الله نبدا..
كالعاده صحيت مبكر من الساعه تقريبا 6 صليت الفجر وشبيت على الشاهي والقهوه
وصحيت ولد اختي عشان يصحيهم لاني بنزل البقاله اشتري اغراض الفطور..
ومتعامل مع مره كبيره بالسن قريبه من الفله تضبط الخبز حاااار طاااازهـ
ورجعت من البالقال ولقيتهم صاحين وجالسين بالجلسة الي برا
الشاهي واقهوه جاهزه ويتقهون .. الفطور رحت صلحته
وجهزته >> فطور خفافي
كنت موقت المبنه اني اصحى مبكر عشان اضبط الشاهي والقهوه والفطور للوالد والوالده .
صحيت على الساعه 5 ونص . صليت الفجر ورحت اضبط الشاهي والقهوه
الحلقة بعنوان: وصلنا مطار جاركرتا والاتجاهـ لبونشاك “الجبل الاخضر”
——————-
كنت منسق مع وحده اسمها ناني وهي خاصه للعوايل تضبط كل شي
من فله وسواق وحتى بعد عند وصولنا يستقبلنا..
مساء يوم الخميس..
ودعنا اهلنا واتجهنا للمطار الساعه 10 ونص ووصلنا المطار الساعه 11:15 تقريباً .. واضفت العفش >> كرت الصعود طابعه من امس.. رحنا عند البوابه واخذنا بعض الشاهي والسوالف لها طعم اخر .
جاء موعد الاقلاع المفروض اقلاعنا الساعه 12:35 لكن تاخرت شي بسيط اقلعنا حوالي الساعه 1:10 وقبل نقلع اتصلت على السواق وقلت له موعد وصولنا عشان ياخذنا للجبل.
توكلنا على الله وطقينا الحزام واقلعنا ……………………………..الخ >> مايحتاج اقول شي معروف قلق الطيارة وخاصه طيارة الخطوط السعودية مافيه اشياء ترفيهيه >> كلن يتطور الا الخطوط السعودية.
ولله الحمد وصلنا مطار جاكرتا الساعه حوالي 1 الظهر بتوقيت اندونيسيا.
وكان زحمه جلسنا حوالي الساعه
 لاشك بأن أندونيسيا جميله لكنها مع الوالدين الغالييين أجمل وأبهى